Efektivitas Panganggone Medhia Flash Cards "Si Raja" tumrap Kaprigelan Maca Aksara Jawa Siswa Kelas VIII SMP Negeri 9 Kota Surakarta

Oleh :
Nur Khasanah - K4222058 - Fak. KIP

Nur Khasanah. K4222058. Pembimbing: Dr. Astiana Ajeng Rahadini, S.Pd., M.Pd. EFEKTIVITAS PANGANGGONE MEDHIA FLASH CARDS “SI RAJA” TUMRAP KAPRIGELAN MACA AKSARA JAWA SISWA KELAS VIII SMP NEGERI 9 KOTA SURAKARTA. Skripsi, Surakarta: Fakultas Keguruan dan Ilmu Pendidikan, Universitas Sebelas Maret Surakarta, Mei 2026. Panaliten menika duwe ancas kanggo (1) Ngukur bedane kaprigelan maca aksara Jawa antarane kelompok siswa kang nggunakake medhia flash cards lan kelompok kang nggunakake medhia salindia (powerpoint) ing kelas VIII SMP Negeri 9 Kota Surakarta. (2) Mbuktekake kaprigelan maca aksara Jawa  siswa kelas VIII kang diwenehi medhia flash cards luwih dhuwur tinimbang siswa kang diwenehi medhia salindia. Panaliten menika nggunakake metodhe kuantitatif kanthi jinis eksperimen semu, rantaman panaliten kang dipilih yaiku Static-Group Comparison. Sumber dhata ing panaliten menika yaiku siswa kelas VIII SMP Negeri 9 Kota Surakarta.  Tatacara njupuk sampel yaiku nggunakake cara Cluster Random Sampling, kelas VIII G minangka kelas eksperimen lan kelas VIII F minangka kelas kontrol. Tatacara nglumpukake dhata ditindakake kanthi cara tes nggunakake soal pilihan ganda cacahe 20 soal. Tatacara ngesahake dhata kang digunakake yaiku validitas isi lumantar penilaian ahli lan validitas empirik nggunakake rumus Corrected Item-Total Correlation. Asil panaliten nuduhake bilih panganggone medhia flash cards “Si Raja” efektif kanggo ngundhakake kaprigelan maca aksara Jawa siswa kelas VIII SMP Negeri 9 Kota Surakarta. Adhedhasar uji independent samples t-test, dientukake nilai Sig. (2-tailed) 0,011 < 0,05 lan t-hitung 2,633 > t-tabel 2,000, kang tegese ana perbedaan signifikan antarane kelas eksperimen lan kelas kontrol. Rata-rata asil tes kaprigelan maca aksara Jawa ing kelas eksperimen 79,52, angka kasebut luwih dhuwur tinimbang kelas kontrol mung 69,35. Medhia flash cards “Si Raja” kabukten luwih efektif tinimbang medhia salindia.