Fasyeh Paramasari Wijaya.
K4220039. Pembimbing I: Dr. Budi Waluyo, S.S., M.Pd. ANALISIS STRUKTURAL LAN
NILAI PENDHIDHIKAN KARAKTER SAJRONE NASKAH SANDIWARA NENG PINGGIRE STASIUN
BALAPAN DENING BUDI WALUYO SARTA RELEVANSINE MINANGKA SUMBER PASINAON BASA JAWA
ING SMP ANGKASA. Skripsi, Surakarta: Fakultas Keguruan dan Ilmu Pendidikan
Universitas Sebelas Maret Surakarta, Juli, 2024.
Panaliten
menika nggadahi ancas ngandharaken: (1) Struktur-struktur naskah sandiwara Neng
Pinggire Stasiun Balapan dening Budi Waluyo; (2)Nilai nilai pendhidhikan
karakter salebeting naskah sandiwara Neng Pinggire Stasiun Balapan dening Budi
Waluyo; lan (3) Relevansine minangka sumber pasinaon Basa Jawa ng SMP Angkasa.
Panaliten
menika minangka panaliten deskriptf kualitatif ingkang ngagem metode analisis
isi. Sumber dhata ingkang dipunagem awujud dokumen. Teknik sampel ingkang
dipunagem inggih menika teknik purposive sampling. Teknik mendhet dhata ingkang
dipunagem inggih menika wawanrembug kaliyan guru basa Jawa, siswa, lan ahli
sastra lan analisis dokumen. Teknik uji validitas dhata awujud triangulasi
sumber dhata lan triangulasi teori.
Adhedhasar
asil panaliten saged dipundudut: (1) Analisis struktural; tema naskah sandiwara
Neng Pinggire Stasiun Balapan dening Budi Waluyo nggadahi tema pagesangan urip
ing pinggir stasiun Balapan. Alur ingkang dipunagem inggih menika alur maju.
Salebete naskah sandiwara Neng Pinggire Stasiun Balapan dening Budi Waluyo
nggadhahi 15 paraga lan watak ingkang benten. Latar ingkang dipunagem inggih
menika papan panggonan, latar wektu, lan latar kahanan. Amanat ingkang wonten
salebete naskah sandiwara Neng Pinggire Stasiun Balapan dening Budi Waluyo
nggadhah amanat ingkang saged dipundadosaken pathuladhan siswa; (2) Nilai
pendhidhikan karakter salebete naskah sandiwara Neng Pinggre Stasiun Balapan
dening Budi Waluyo ana 9 nilai penhidhikan karakter. Nilai kasebut inggih menika
religius, jujur, kerja keras, kreatif, mandiri, cina tanah air, cinta damai,
peduli sosial, lan tanggung jawab; lan (3) Adhedhasar asil analisis struktural
lan nilai pendhidhikan karakter sarta asil wawanrembug kaliyan guru basa Jawa
ibu Tantri Wuragil, Azka lan Bintang minangka siswa kelas IX SMP Angkasa, lan
bapa Djoko Sulaksono minangka ahli sastra, naskah sandiwara Neng Pinggire
Stasiun Balapan dening Budi Waluyo nggadhahi kriteria kagem sumber pasinaon
basa Jawa ingkang becik lan trep. Saged dipundudut naskah sandiwara Neng
Pinggire Stasiun Balapan dening Budi Waluyo layak lan trep dipundadosaken
sumber pasinaon basa Jawa ing SMP.
