Ancas saka panaliten iki yaiku: 1) ngrembakakake kawigaten siswa marang
aksara Jawa ing kelas VII A SMP Negeri 2 Kebakkramat lumantar kertu carakan
aksara Jawa, (2) ngrembakakake keprigelan siswa marang materi pasinaon aksara
Jawa ing kelas VII A SMP Negeri 2 Kebakkramat.. SMP Negeri 2 Kebakkramat
dadi papan panaliten kanthi nggunakake panaliten tindakan kelas kang asipat
kualitatif lan kuatitatif. Dhata kuantitatif kang digunakake sajroning panaliten iki
yaiku asil wawanrembug marang dwija lan siswa, observasi banjur dhata kualitatif
saka panaliten iki yaiku asil pasinaon siswa ing pasinaon basa Jawa babagan materi
aksara Jawa ing gladhen sumatif. Tatacara nglumpukake dhata arupa observasi
partisipasi pasif kanthi ngamati dwija nalika mulang, wawanrembrug marang dwija
kang dadi informan tambahan ngenani ngetrapake penilaian autentik ing pasinaon
muatan lokal basa Jawa kelas VII di SMP Negeri 2 Kebakkramat, lan lumantar
dhokumentasi arupa tindakan lan asil observasi kayata pideo lan poto. Kagiyatan
pasinaon analisis Dhata kuantitatif sajroning panaliten iki lumantar asil nilai
modhel Project Based Learning kanthi ketuntasan nilai siswa lan ketuntasan
klasikal. Analisis dhata kualitatif diolehake saka gegambaran asil kerja dwija lan
tumindhak siswa tumprap modhel Project Based Learning lumantar nglumpukake
dhata, Analisis dhata kuantitatif sajroning panaliten iki lumantar reduksi dhata,
nyajikake dhata, lan narik dudutan. Ing panaliten iki ngandharake bilih (1) ing
siklus I kalebu tataran apik ananging dwija urung bisa nggulawenthah siswa luwih
teges lan siswa kurang mangerteni tatacara nulis aksara Jawa kanthi trep, (2) ing
siklus II wis nggayuh target yaiku ngentukake kategori apik banget kanthi
kaprigelan dwija bisa luwih interaktif marang siswa nalika siswa lagi kangelan, lan
siswa luwih bisa mangerteni lan prigel nalika nulis aksara Jawa nggunakake kertu
carakan Aksara Jawa.
