Abstrak
Pêrkawis ingkang dipunrêmbag ing panalitèn inggih punika: (1) Kadospundi struktur cariyos monolog Cariyosipun Sindhen Mahanani Pamalarsih anggitanipun Trisno Santoso miturut teori Soediro Satoto ; (2) Kadospundi bentuk-bentuk striving for superiority tokoh miturut teori striving for superiority Alfred Adler; (3) Kadospundi makna saha nilai perjuangan tokoh Mahanani Pamlarsih. Panalitèn punika pendekatan struktural, lan salajêngipun angginakakên pendekatan psikologi sastra kanggè ngandharakên tinjauan lajengipun.
Ancasipun panalitèn inggih punika: (1) Ngandharakên unsur-unsur struktural ingkang ambangun naskah naskah monolog Cariyosipun Sindhen Mahanani Pamalarsih anggitanipun Trisno Santoso miturut teori Soediro Satoto ; (2) Ngandharakên bentuk-bentuk striving for superiority tokoh miturut teori striving for superiority Alfred Adler; (3) Ngandharakên makna saha nilai perjuangan ingkang dipunlampahi Mahanani Pamalarsih. Mupangat panalitèn punika sagêd nambah ngelmu kanthi model panaliten kasusastran.
Teori ingkang kaginakaken ing panalitèn, inggih punika: pangertosan drama, struktur drama miturut Soediro Satoto, antawisipun tema, amanat, alur, penokohan, konflik, cakapan. Teori psikologi sastra migunakaken teori striving for superiority Alfred Adler.
Wujud panalitèn inggih punika panalitèn sastra, jinising panaliten deskriptif kualitatif. Sumber data naskah monolog Cariyosipun Sindhen Mahanani Pamalarsih anggitanipun Trisno Santoso. Data panalitèn inggih punika teks naskah monolog Cariyosipun Sindhen Mahanani Pamalarsih. Panaliti salajengipun ngonceki isining teks naskah kasebat, lan ndhudhah struktur teks ingkang anglimputi: unsur nglebet teks (intrinsik) ing antawisipun: tema, amanat, penokohan, alur, setting, konflik, cakapan lan wawancara kaliyan pengarang. Teknik ngempalaken data kanthi cara content analysis lan wawancara. Teknik analisis data migunakaken model analisis interaktif, ing antawisipun: reduksi data, penyajian data lan mendhet simpulan.
Dudutan panalitèn inggih punika: (1) struktural naskah monolog Cariyosipun Sindhen Mahanani Pamalarsih anggitanipun Trisno Santoso nêdahakèn kamanunggalan ingkang wêtah antawisipun unsur satunggal kaliyan unsur sanèsipun; (2) Miturut tinjauan psikologi sastra naskah monolog Cariyosipun Sindhen Mahanani Pamalarsih ngandharakên bentuk-bentuk striving for superiority tokoh Mahanani Pamalarsih ingkang anggadhahi bentuk-bentuk perjuangan wonten ing panggesangan kangge kasuksesan; (3) Miturut makna saha nilai, naskah monolog Cariyosipun Sindhen Mahanani Pamalarsih anggitanipun Trisno Santoso ngandharakên perjuangan kangge kesuksesan paraga wanita inggih menika Mahanani Pamalarsih.
Tembung Wos : Naskah Monolog Cariyosipun Sindhen Mahanani Pamalarsih, Striving For Superiority, Psikologi Sastra.
