Panaliten menika kalebet panaliten dheskriptif kualitatif lan nggadahi ancas kangge ngidentifikasi teges filosofis ing Dhukuh Talang sarta gegayutanipun minangka materi piwulang Basa Jawa kangge SMP mliginipun kompetensi dhasar menelaah teks deskriptif tentang upacara adat daerah sesuai dengan karakteristik.

Dhata ingkang dipunasilaken saking panaliten inggih menika dhata kualitatif ingkang ngliputi pagineman. Cara kangge nemtokaken sampel ngginakaken purposive sampling. Ngempalaken dhata katindakaken tiga teknik, inggih menika dokumentasi, wawanrembug, lan observasi. Nguji validitas ngginakaken triangulasi sumber dhata lan triangulasi teknik. Analisis dhata ngginakaken model analisis etnografi model Spradley. Tahap proses panaliten menika antawisipun tahap persiapan, tahap pelaksanaan, lan tahap pungkasan.

Asilipun panalien ingkang sampun kalaksanan saged dipunpendhet dudutan inggih menika: (1) wujudipun makna filosofis salebetipun tradhisi Bancakan Sapi Lair ing Dhukuh Talang, Kabupaten Sragen adhedhasar rerangkenan adicara wonten sekawan, inggih menika: masak sesarengan, dedonga sesarengan, mbagi sekul bancakan, lan mendhet ubarampe ingkang sampun dipunparingi pangestu; (2) wujudipun makna filosofis salebetipun tradhisi Bancakan Sapi Lair ing Dhukuh Talang adhedhasar sajen wonten sanga, inggih menika: Pondhoh, Jadah, Gedhang, Kembang Setaman, Rokok, Kopi, Sega Buceng, Sekul, lan Ayam; lan (3) tradisi Bancakan Sapi Lair ingkang dipunlampahaken ing desa kasebut gadhah sekawan aspek, inggih menika: aspek ketuhanan, aspek sosial, aspek kognitif, lan aspek katrampilan. Asilipun panaliten menika saged damel maringi referensi kagem para dwija kangge mulang tradisi wonten dhaerah piyambak lan saged paring sengkuyung siswa supados langkung sregep sinau, saha ngemut-emut dheweke sinau kanthi cara langsung nalika tradhisi kasebut dipunlampahaken.